Зараз пелетны цэх працуе кругласутачна. За суткі тут можа выдавацца да 48 тон гатовых пелет дыяметрам 6 і 8 міліметраў.
Як адзначыў у адным з інтэрв’ю дырэктар Бярэзінскага лясгаса Сяргей Чэмка, самае галоўнае – выкарыстоўваецца пілавінне, якое датычыцца чацвёртага класа адходаў, і якое было вельмі цяжка кудысьці ўтылізаваць. Зараз жа пілавінне разам са шчапой перапрацоўваецца, прадпрыемства атрымлівае прадукцыю, якая, калі браць перыяд да ўвядзення антыбеларускіх санкцый, наогул з’яўлялася стапрацэнтным экспартам для краіны. Паліўныя пелеты выкарыстоўваюцца ў кацельных Белэнерга, ЖКГ, пачало іх купляць і насельніцтва раёна.
.JPG)
Дарэчы, насельніцтву пелеты прапаноўваюцца па фіксаваным кошце. Адна тона абыдзецца ў 50 рублёў. На ацяпляльны сезон патрабуецца прыкладна 3,6 тоны, што будзе каштаваць 180 рублёў. Пры набыцці і ўсталяванні адпаведных катлоў ацяпленння 40 працэнтаў кошту кампенсуецца дзяржавай.
Як патлумачылі ў Бярэзінскім лясгасе, выгады выкарыстоўваць паліўныя пелеты замест прывычных цепланосьбітаў у арганізацыях, прапрыемствах, установах, прыватных гаспадарках, і праўда, вельмі шмат. Па-першае, гэта істотная эканомія бюджэту, не трэба кожны сезон наймаць машыністаў (качагараў кацельнай), якім трэба плаціць заробак. Не трэба купляць дровы, а затым рэзаць іх, калоць, складваць, ствараць лішняе смецце. Па-другое, цеплааддача пелет нашмат вышэй. Па-трэцяе, экалагічны складнік вельмі істотны, бо пасля згарання паліўных гранул пактычна не застаецца адходаў, няма забру-джвання навакольнага асяроддзя і выкідаў у атмасферу.
.JPG)
Прадукцыя пелетнай вытворчасці адпавядае прэміум-класу, у яе ўсяго 0,6 працэнта попелу ад усёй спаленай масы паліва, чаго не бывае ад спальвання дроў, шчапы або брыкету. Усё, што патрабуецца прыватнаму карыстальніку або юрыдычнай асобе - гэта пераабсталяваць ацяпляльны кацёл, паставіць гарэлку і сістэму аўтападачы або набыць новы кацёл, прыстасаваны для выкарыстанне пелет – і карыстайся, калі ласка.
Дарэчы, у самім Бярэзінскім лясгасе на ацяпленне пелетамі ўжо даўно перайшлі. Гэта дазволіла пазбавіцца ад цепластрат і дало магчымасць сэканоміць на адным катле. І зараз адным катлом тут ацяпляюцца сушыльны комплекс па перапрацоўцы шышак, аўтамабільныя боксы, рамонтна-механічныя майстэрні. Загружаецца ў бункер 750 кілаграмаў паліўных гранул і іх хапае на цэлы ты-дзень. Яшчэ адзін кацёл ацяпляе поўнасцю бытавы корпус разам са сталовай.
.JPG)
Тэхналагічны працэс вы-творчасці нескладаны: адразу пастаўляюцца пілавінне і шчапа, якія здрабняюцца на мелкую фракцыю, якая потым ідзе ў сушыльны барабан на прасушку, затым праз цыклоны на другую драбілку, дзе змяльчаецца на больш мелкую. Пасля накіроўваецца ў бункер-накапляльнік сухой сыравіны, адкуль прамой дарогай – на прэс. Пасля чаго гатовыя гранулы праходзяць працэс ахала-джэння і затым – у накапляльны бункер. Цыкл займае прыкладна 1 гадзіну.
Карацей, вытворчасць пелет – справа карысная для ўсіх, як і іх выкарыстанне. І ў Бярэзінскім лясгасе пелеты робяць па-сапраўднаму якасна, дарэчы, як і ўсю астатнюю прадукцыю.
