У суботу, 17 кастрычніка, калі на Бярэзіншчыне праходзіла чарговая акцыя «Чысты лес», прымеркаваная да Года малой радзімы, многія работнікі Бярэзінскага лясгаса былі задзейнічаны на пасадцы лесу.

Пасадка саджанцаў вялася на тэрыторыі, што пацярпела пасля наступстваў урагану непадалёк ад вёскі Баравіно. Тут на плошчы 1,5 га работнікі лясгаса стваралі лясныя культуры ялінак і дубочкаў. Так, інжынер па ахове і абароне лесу Сяргей Чубкоў пасля таго, як напрыканцы акцыі «Чысты лес» уручыў сімвалічныя сувеніры яе ўдзельнікам, паспяшаўся далучыцца да сваіх калег і ўзяць у рукі меч Колесава.

Многія з работнікаў лясной галіны ўдзельнічаюць ва ўсіх акцыях па добраўпарадкаванні лясных угоддзяў і пасадцы дрэў, як, напрыклад, галоўны ляснічы лясгаса Андрэй Бягун, начальнік планава-эканамічнага аддзела Іна Яфрэмава, інжынер па аўтаматызацыі сістэмы кіравання прадпрыемства Аляксандр Аляшкевіч, інжынер-энергетык са стажам Ігар Шаўчэнка, начальнік пажарна-хімічнай станцыі Аляксандр Шакула і іншыя.

- Мы - работнікі лясгаса - павінны быць прыкладам для ўсіх, - гаворыць Ігар Шаўчэнка. - Ды і самому прыемна папрацаваць на карысць прыродзе і грамадству!

Усяго ў гэты дзень, як паведаміў намеснік дырэктара лясгаса па ідэалагічнай рабоце Віталій Умінскі, было пасаджана 34 тыс. саджанцаў, дапаўненне лясных культур вялося на плошчы 5,6 га.

Дарэчы, зараз у Бярэзінскім раёне праходзіць месячнік па навядзенні парадку на зямлі, ён прадоўжыцца на працягу ўсяго кастрычніка. Яшчэ ў кожнага ёсць магчымасць прывесці ў належны стан і ўласнае падвор’е, і прылягаючыя тэрыторыі.

Аўтар: Алена ГРОМАВА, Фота аўтара, Беларуская лясная газета.

ГРАФИК

прямых телефонных линий, проводимых в ноябре 2020 года руководством Министерства лесного хозяйства во исполнение подпункта 1.2 пункта 1 Указа Президента Республики Беларусь от 23.03.2015 № 135